Rais wa Zanzibar na mwenyekiti wa baraza la mapinduzi Dr. Amani Abeid Karume ametoa msamaha kwa wafungwa kumi na moja walioko katika vyuo mbali mbali vya mafunzo Zanzibar.

Taarifa iliyotolewa na idara ya mawasiliano ikulu mjini Zanzibar imesema msamaha huo utaanza tarehe 30 Octoba mwaka huu.

Rais Karume ametoa msamaha huo kwa mujibu wa kifungu cha 59 ya katiba ya Zanzibar ya mwaka 1984.

Hatua hiyo ya rais Karume anaemaliza muda wake baada ya kuapishwa rais mpya inatokana na kukubali kwake maombi ya msamaha yaliowasilishwa kwake na kamati ya msamaha ya rais.

Taarifa hiyo imesema msamaha huo utatolewa kwa wafungwa wenye umri mkubwa, maradhizi sugu na wenye vifungo vidogo walionesha nidhamu.

Aidha taarifa hiyo imesema wanafunzi wenye makosa kama vile kutumia nguvu, wizi wa mali za serikali, makosa ya kudhalisha wanawake na watoto, makosa ya dawa za kulevya huwa hawapewi msamaha