Archive for July, 2015

LOWASA AJIUNGA NA CHADEMA

Waziri mkuu wa Tanzania Eduward Lowasa

Waziri mkuu wa Tanzania Eduward Lowasa

Waziri Mkuu wa zamani wa Tanzania Edward Lowassa leo amejiunga rasmi na Umoja wa Katiba ya Wananchi, UKAWA na kuondoa hali ya sintofahamu miongoni mwa watanzania baada ya kutopata nafasi ya kuteuliwa na Chama cha mapinduzi ,CCM kupeperusha bendera ya Chama hicho katika uchaguzi mkuu unaotarajiwa kufanyika mwezi Oktoba.

Akizungumza katika Mkutano uliowakusanya wanachama waliounda UKAWA, na waandishi wa habari, Lowassa alisema amekubali mwaliko wa kujiunga na UKAWA hususan chama cha Demokrasia na Maendeleo, CHADEMA.

Amesema baada ya kutafakari kwa kina baada ya yale yaliyotokea katika mchakato wa kumpata mgombea wa CCM mjini Dodoma kutoridhishwa nayo, ameamua kujiengua na chama hicho.

”Katiba ya CCM ilikiukwa katika mchakato wa uteuzi wa mgombea wa Urais kupitia chama cha Mapinduzi,nilifanyiwa mizengwe,majungu na habari za uongo kuhakikisha kuwa jina langu halifikishwi kwenye kamati kuu na halmashauri kuu kwa ajili ya kujadiliwa licha ya kuwa nilikuwa nikiungwa mkono na Wanachama wengi zaidi kuliko wagombea wengine” alisema Lowassa

WAZIRI WA FEDHA TZ UKT. SAADA MKUYA KUWANIA UBUNGE JIMBO JIPYA LA WELEZO

Waziri wa fedha Ukt. Saada Mkuya

Waziri wa fedha Ukt. Saada Mkuya

Waziri wa fedha wa Tanzania Saada Mkuya Salum leo amerejesha fomu ya kuomba kugombea nafasi ya ubunge jimbo jipya la Welezo kupitia chama cha Mapinduzi CCM.

Akirejesha fomu hizo katika afisi za wilaya ya Mfenesini kichama amesema huu ndio wakati wa wananchi kuwatathmini wagombea ili kuwapata viongozi bora katika kipindi cha miaka mitano ijayo.

Ikiwa leo ni siku ya mwisho ya kurejesha fomu kwa wagombea wa ubunge, uwakilishi na udiwani idadi kubwa ya wanachama wa CCM wamejitokea kuomba kuwania nafasi hizo katika uchaguzi mkuu utakaofanyika Octoba mwaka huu.

<!–EndFragmen

TUSHIRIKIANE KULINDA AMANI NA UTULIVU ILIOPO ZANZIBAR WAKATI WA KUPIGA KURA

Rais wa Zanzibar na Mwenyekiti wa Baraza la Mapinduzi Alhaj Dk. Ali Mohamed Shein akizungumza na Viongozi na Mashekhe waliofika Ikulu Mjini Unguja leo kwa madhumuni ya kupokea mkono wa Idd na kusoma Dua katika Sikukuu ya Idd el Fitri inayoadhimishwa Duniani kote,[Picha na Ikulu.]

Rais wa Zanzibar na Mwenyekiti wa Baraza la Mapinduzi Alhaj Dk. Ali Mohamed Shein akizungumza na Viongozi na Mashekhe waliofika Ikulu Mjini Unguja leo kwa madhumuni ya kupokea mkono wa Idd na kusoma Dua katika Sikukuu ya Idd el Fitri inayoadhimishwa Duniani kote,[Picha na Ikulu.]

MAMA MWANAMWEMA AWAPA MKONO WA EDD WAZEE WA SEBLENI NA WELEZO

MKE wa Rais wa Zanzibar na Mwenyekiti wa Baraza la Mapinduzi Mama Mwanamwema Shein, akitoa Mkono wa Eid kwa Wazee wa Nyumba ya Wazee Sebleni alipofika kuwatembelea jana na kutoa mkono wa Eid

MKE wa Rais wa Zanzibar na Mwenyekiti wa Baraza la Mapinduzi Mama Mwanamwema Shein, akitoa Mkono wa Eid kwa Wazee wa Nyumba ya Wazee Sebleni alipofika kuwatembelea jana na kutoa mkono wa Eid

MWINYI ATOBOA SIRI KILICHOTOKEA DODOMA

Rais Mstaafu wa Tanzania Ali Hassan Mwinyi

Rais Mstaafu wa Tanzania Ali Hassan Mwinyi

Rais mstaafu wa Awamu ya Pili wa Jamhuri ya Muungano wa Tanzania, Ali Hassan Mwinyi amevunja ukimya kuhusu namna mchakato wa kumpata mgombea urais wa CCM, ulivyokuwa mkoani Dodoma mpaka akapatikana Dk John Magufuli.

Mwinyi ambaye ni mwanachama wa Baraza la Wazee la CCM, lenye mamlaka na ushawishi katika vikao vyote vya juu vya chama hicho, alizungumzia mchakato huo jana alipokuwa akitoa salamu za Sikukuu ya Idd, baada ya kumaliza swala katika viwanja vya Mnazi Mmoja, jijini Dar es Salaam.

“Mambo yalikuwa magumu kidogo kule Dodoma, lakini tunashukuru Mwenyezi Mungu jahazi lilifika salama, kwa pamoja tuendelee kuwa watulivu hadi Uchaguzi Mkuu utakapofika na tuilinde amani,” alisema Mzee Mwinyi.

Mzee Mwinyi alimshukuru Mungu akisema japo mambo yalikuwa magumu wakati wa mchakato wa kumtafuta mgombea urais wa Chama Cha Mapinduzi, suala hilo lilimalizika salama bila kuwepo kwa tatizo lolote. Alisema uchaguzi mkuu utakapofika mwezi Oktoba, Watanzania wanapaswa kuchagua viongozi wazuri watakaoleta amani, mapatano na maendeleo.

Alitaka Watanzania waachane na fikra za kibaguzi kwani hakuna aliye bora kuliko binadamu mwingine hapa duniani, huku akishauri waumini wa dini zote kuombea Taifa lipite salama katika uchaguzi huo

ZANZIBAR KUHARAKISHA UCHIMBAJI WA MAFUTA NA GESI

Rais wa Zanzibar Dr. Ali Mohamed Shein akiwa na makamu wake wa kwanza

Rais wa Zanzibar Dr. Ali Mohamed Shein akiwa na makamu wake wa kwanza Malim Seif Sharif Hamad

Serikali ya Mapinduzi Zanzibar inatarajia kuharakisha uchimbaji wa mafuta na gesi asilia kabla ya kufanyika kura ya maoni ya katiba mpya inayopendekezwa.

Rais wa Zanzibar na Mwenyekiti wa baraza la Mapinduzi Dr. Ali Mohamed Shein amesema uchimbaji huo utafanyika baada ya rais Kikwete kusaini mswada wa sheria uliopitishwa na bunge unaoipa mamlaka serikali kuchimba raslimali hizo.

Akizungumza katika mapokezi yake maalum kufuatia kuteuliwa kugombea urais wa Zanzibar kwa muhula wa pili huko afisi kuu ya CCM Kisiwandui amesema serikali itafanya mazungumzo mengine na kampuni za mafuta zikiwemo Shell na Rass Heiman kuja kuchimba nishati hizo.

Dr. Shein amesema mswada huo wa sheria pia unairuhusu Zanzibar kuanzisha sheria, sera na taasisi zitakazoshughulikia nishati ya mafuta na gesi bila ya kusubiri katiba inayopendekezwa kupigiwa kura.

 

Akizungumzia wangalizi wa kimataifa katika uchaguzi mkuu ujao Dr. Shein amesema serikali haitakubali kuona mashirika hayo yanaingilia mambo ya ndani kwa visingizo vya kulinda haki za binadamu.

Amesema serikali haitazuwia shirika lolote kuangalia uchaguzi  wa Zanzibar utakaofanyika Octoba mwaka huu, lakini yafuate sheria zilizopo badala ya miongozo yao aliyodai inasababisha vurugu ndani ya nchi.

Katika hafla hiyo ya mapokezi Dr. Shein alipokolewa kwa maandamano ya wana CCM kuanzia Kariakoo hadi afisi kuu ya CCM Kisiwandui akitokea mjini Dodoma.

POLISI WANNE NA RAIA WATATU WAUWAWA MJINI DAR ES SALAAM

POLISIMaafisa wanne wa polisi na raia waatu wameuawa baada ya watu wasiojulikana kuvamia kituo cha polisi mjini Dar es salaam.

Polisi wamesema shambulizi hilo limetokea katika kituo cha polisi kilichoko Ukonga wakati wavamizi hao walipotekeleza shambulizi hilo la kuvizia usiku wa kuamkia leo.

Watu hao wanaosadikiwa majambazi waliwafyatulia risasi maafisa wa polisi katika kituo hicho na kuua wanne.

Aidha inasemekana kabla ya kuuliwa polisi hao majambazi hao waliba silaha 30 za polisi na idadi ya risasi isiyojulikana.

Hadi sasa hakuna mtu aliyekamatwa kufuatia shambulizi hilo huku maafisa wa upelelezi wanaendelea na uchunguzi.