Posts from the ‘Uncategorized’ Category

Edward Lowassa asema Magufuli anafanya kazi nzuri

Lowassa na Magufuli

Kiongozi wa upinzani nchini Tanzania ambaye pia ni Waziri mkuu wa zamani wa Tanzania Edward Ngoyai Lowassa amesifu kazi anayoifanya Rais wa Tanzania Dkt John Magufuli nchini humo.

Kwa mujibu wa taarifa kutoka ikulu, Bw Lowassa amesema hayo baada ya kukutana na kufanya mazungumzo naye, Ikulu Jijini Dar es Salaam.

Bw Lowassa amempongeza Dkt Magufuli kwa kazi nzuri anayoifanya.

“Nimepata faraja sana kuja hapa Ikulu kuonana na Mhe. Rais, tumezungumza nae na nimempongeza kwa kazi nzuri anayoifanya, lazima tukiri anafanya kazi nzuri na anahitaji kutiwa moyo.

Bw Lowassa aliwania urais kupitia chama kikuu cha upinzani nchini Tanzania Chama Cha Demokrasia na Maendeleo (Chadema) katika uchaguzi mkuu wa Oktoba 2015 lakini akashindwa na Dkt Magufuli aliyewania kupitia Chama cha Mapinduzi.

Ni hatua ambayo si ya kawaida kwa kiongozi huyo kumsifu Rais Magufuli kwani kwa muda amekuwa akikosoa utawala wake.

Kiongozi huyo wa upinzani nchini Tanzania, akizungumza na BBC mnamo mwezi Septemba mwaka 2016 , alieeleza wasiwasi wake kuhusu kile alichokitaja kama dalili za udikteta kwenye uongozi wa Rais wa Tanzania, John Pombe Magufuli.

Lowassa na MagufuliHaki miliki ya pichaIKULU, TANZANIA

Kwa mujibu wa taarifa kutoka Ikulu, Bw Lowassa amesema: “Moja kubwa ambalo ni la msingi sana ni la kujenga ajira, katika kuanza ujenzi wa reli ya kutoka Dar es Salaam hadi Morogoro hapo anajenga ajira.

“Na kwenye nchi yoyote inayoendelea suala muhimu ni kujenga ajira, Stiegler’s Gorge ni kujenga ajira na mingine ya aina hiyo, lazima kuwepo na kipaumbele cha kusema kwamba tunajenga ajira, jingine ni la elimu, ni muhimu sana, hauwezi kuacha elimu katika mambo yako unayofanya, hili nalo lazima lisemwe vya kutosha, kwa kweli nakushukuru Mhe. Rais, you made my day” .

Dkt Magufuli amesema Lowassa ni mwanasiasa mzuri kwani hata wakati wa kampeni za uchaguzi mkuu uliopita ambao naye aligombea kiti cha Urais, hakuwahi kumtukana.

Amemshukuru “kwa kutambua kazi kubwa inayofanywa na Serikali”.

Lowassa na MagufuliHaki miliki ya pichaIKULU, TANZANIA

“Lowassa ameniomba mara nyingi nikutane nae, na leo nimekutana nae, tumezungumza mambo mengi, ameniambia ya kwake na mimi nimemwambia ya kwangu, kwa ujumla Lowassa ni mwanasiasa mzuri na tuendelee kuwaenzi wazee hawa ambao kwa nyakati fulani walifanya mambo mazuri, na mimi napenda kumpongeza Lowassa ambaye kama alivyosema hapa kuwa tumefanya mambo mazuri mengi.”

Jamaa Katiwa Mbaroni Kwa Kutoboa bomba la mafuta ya Dizeli mali ya TPA na kujiunganishia bomba lake la mafuta hadi nyumbani

Askari wa Mamlaka ya Usimamizi wa Bandari Tanzania (TPA), wakishirikiana na Jeshi la Polisi nchini, wanamshikilia Ndugu Samwel Nzagi Kilang’ani mwenye umri wa miaka (63), kwa tuhuma za kutoboa bomba la mafuta ya Dizeli la “Single Point Mooring” mali ya TPA na kujiunganishia bomba lake la mafuta hadi nyumbani kwake ambako ameweka mantaki makubwa ambayo ameyachimbia chini ya ardhi.

Msemaji wa TPA,  Janeth Ruzangi amethibitisha kukamatwa kwa mtu huyo huku polisi Kanda Maalum ya Dar es Salaam ikiendelea kumshikilia kwa uchunguzi zaidi.

Breaking News: Matokeo ya darasa la nne na kidato cha pili yatangazwa. Bofya Hapa Kuyatazama

Baraza la Mitihani Tanzania (Necta) limetangaza matokeo ya mitihani ya upimaji wa darasa nne na kidato cha pili iliyofanyika Novemba 22 na 23 mwaka jana, huku idadi kubwa ya wanafunzi wakifanya vyema katika mitihani hiyo.
Akitangaza matokeo hayo leo Jumatatu Januari 8, Katibu Mtendaji wa Necta,  Dk Charles Msonde amesema jumla ya wanafunzi 1,086,156 waliofanya mtihani wa darasa la nne wamefaulu  kati ya 1,158,444 waliofanya upimaji huo.
Amesema  wanafunzi hao wamefaulu kwa kupata alama zenye madaraja ya A,B,C na D wakati wanafunzi 72,288 sawa na asilimilia 6.24 wamepata alama za daraja E, ambao ni ufaulu usioridhisha.
Kuhusu matokea ya upimaji wa kidato cha pili, Dk Msonde  amesema jumla ya wanafunzi 433,453 sawa na asilimia 82.32 kati ya 486,742 waliosajiliwa  kufanya mtihani huo wamepata ujuzi wa maarifa ya kuwawezesha kuendelea  na kidato cha tatu.
Dk Msonde alisema wanafunzi wa kidato cha pili  51,807 sawa na asilimia 10.68 wameshindwa kupata alama za kuwawezesha kuendelea na kidato cha tatu.

CCM Yaikamata Kaskazini…… Yashinda Kata Nne Jimboni za Arumeru Mashariki

Chama cha Mapinduzi (CCM), kimeshinda kata nne za Arumeru Mashariki ambazo wagombea wa Chadema wamejitoa. Kata hizo na matokeo yake ni kama ifuatavyo, Makiba Samson Laizer (CCM) kura 2,029 na Joyce Martin (Chadema) kura 608.
Kata ya Ambuleni, Jasephat Jackson (CCM) kura 2,057 na
Dominick Mollel (Chadema) kura 1,201. Kata ya Leguruki
Andason Sikawa (CCM) kura 3,023 na Daniel Mbise(Chadema) kura 287.
Kata ya Maroroni, Yoha Kaaya (CCM) kura 3,568 na Asanterabi Mbise (Chadema) 1,201.

Wabunge wa CUF waliovuliwa Ubunge wazungumza baada ya kushinda kesi

WANACHAMA wanane wa CUF waliovuliwa ubunge wamemwandika barua Katibu wa Bunge ili amjulishe Spika Job Ndugai kuhusu uamuzi wa Mahakama Kuu ili achukue hatua stahiki ikiwamo kuwafahamisha utaratibu utakaotumika kuwarejesha kwenye nafasi zao.

Wanachama hao ni Miza Haji, Saverina Mwijage, Salma Mwasa, Raisa Mussa, Riziki Mngwali, Hadija Al-Qassmy, Saumu Sakala na Halima Mohamed.
Taarifa iliyotolewa na wabunge wao wa CUF waliovuliwa uanachama na chama hao hii hapa:-
WABUNGE CUF WAMUANDIKIA BARUA SPIKA KUTAKA UTEKELEZWAJI WA MAAMUZI YA MAHAKAMA KUU:-
THE CIVIC UNITED FRONT (CUF-CHAMA CHA WANANCHI)
TAARIFA KWA WAANDISHI WA HABARI KUHUSU MAAMUZI YA MAHAKAMA KUU YA TANZANIA KANDA YA DAR ES SALAAM KUREJESHWA KATIKA NAFASI YA UBUNGE WA BUNGE LA JAMHURI YA MUUNGANO WA TANZANIA
1. Ndugu Waandishi wa Habari; Awali ya yote hatuna budi kumshukuru Mwenyezi Mungu Mtukufu kwa kutujaalia Uzima na Afya njema ya kuweza kukutana hapa leo kuweza kuzungumza nanyi na kupitia nyinyi kufikisha ujumbe wetu kwa Watanzania wote.
2. Mtakumbuka kuwa Tarehe 25 Julai, 2017 Spika wa Bunge wa Jamhuri ya Muunagano wa Tanzania, Mheshimiwa Job Ndugai, alitangaza kutuvua Ubunge Wabunge [8] wa CUF Viti Maalum kwa kasi tuliyoiita (supersonic speed) na baadaye haraka haraka Tume ya Taifa ya Uchaguzi [NEC] kuwatangaza wafuasi wa Lipumba kuchukua nafasi hizo bila ya kufuata utaratibu huku wakijua kuwa kuna Shauri Mahakamani linalosubiri kusikilizwa na kufanyiwa maamuzi.
3. Tulifungua Shauri la Madai Mahakama Kuu ya Tanzania (Civil Case No. 143/2017) na Shauri dogo la Madai (Miscellaneous Civil Case No. 479/2017). Hata hivyo, kutokana na michakato ya kisheria Mahakama Kuu haikuweza kutoa maamuzi ya Zuio [Temporary Injunction and Maintenance of Status Quo] tuliloomba kwa wakati huo ndani ya muda muafaka. Baadaye Tarehe 5 Septemba, 2017 Wafuasi 8 wa Lipumba waliotangazwa kuwa wameteuliwa na NEC kuwa Wabunge waliapishwa na Bunge kuchukua nafasi zetu.
4. Tarehe 10 Novemba, 2017 Mahakama Kuu baada ya kusikiliza maombi yetu na kuzipitia hoja za pande zote imetoa maamuzi ya kuizuia CUF kujadili kwa namna yoyote ile Uanachama wetu na imetengua utekelezwaji wa kufukuzwa kwetu Uanachama (suspend implementation), kisheria ikiwa na maana kwamba sisi sote bado ni Wanachama halali wa CUF na pia bado tuna sifa za kuendelea kuwa Wabunge.
Sehemu ya Maamuzi ya Mahakama Kuu inasomeka kama ifuatavyo, ninanukuu:
“…The object of the temporary injunction is to protect the plaintiff against injury by violation of his right for which he could not adequately be compensated in damages recoverable in the action if the uncertainty were resolved in his favour on the trial…”
To the extent it relates to the 1st, 2nd, and 3rd Respondents, it can hardly be argued in this application that a loss shutting down the Applicants political carrier can be easily atoned by award of damages and I would not hesitate upholding the submission on the second principle.
Lastly, on balance of convenience. Under this condition, the court has to assess in whose favour the balance lies by the grant or refusal of the order sought. Again I am Satisfied that the Applicants have met this condition. The Applicants have averred that have appealed to the MKUTANO MKUU against their expulsion from CUF and that pending the determination of their appeals, the 1st, 2nd, and 3rd Respondents should be restrained from implementing their impugned decision.
“….IN ZITTO ZUBEIR KABWE V. BOARD OF TRUSTEES OF CHAMA CHA DEMOKRASIA NA MAENDELEO & ANOTHER, CIVIL CASE NO. 270 OF 2013 (unreported) this Court speaking through Utamwa, J considered an application in more or less similar circumstances involving an elected member of parliament whose membership in the sponsoring party was about to be terminated which could have culminated into loss of his seat. Discussing the last condition, Court said:
“….I agree …that the balance of convenience is in favour of the Applicant in this matter for, in case temporary injunction order is not issued, the feared irreparable loss will become real, the main suit will become nugatory and thus the Applicant will face more inconvenience than the Respondents and the party generally will not suffer more inconvenience than the Applicant because,… the order is not intended to restrain the Respondents from their other functions generally….” (at page 45).
I am inclined to agree with my brother in his reasoning and that disposes the third condition in favour of the Applicants.
In the upshot, the application against the 1st, 2nd, and 3rd Respondents [Board of Trustees – CUF, Lipumba na Magdalena Sakaya] is hereby granted and the Court makes the following temporary orders of Injunction as Follows:
1. Suspension of the implementation of the expulsion Order issued against the Applicants from the Civic United Front (CUF) Political Party pending the hearing and final determination of Civil Case No. 143 of 2017 or any other order from the Court.
2. The 1st, 2nd and 3rd respondents, their agents, assignees or anybody acting under their authority are restrained from in any shape or form discussing the membership of the Applicants herein pending the hearing and final determination of Civil Case 143 of 2017 or any other order from the Court.
L. J. S. Mwandambo
JUDGE
Nakala ya Maamuzi haya tumeambatanisha na Taarifa hii
5. Ni kwa msingi huu Tarehe 20 Novemba, 2017 tulimuandikia Katibu wa Bunge na ili amjulishe Mheshimiwa Spika Job Ndugai kuhusu Maamuzi haya ya Mahakama Kuu ili naye achukue hatua stahiki ikiwemo kutufahamisha utaratibu atakaoutumia kuturejesha katika nafasi zetu za Ubunge kama ilivyokuwa awali ndani ya Bunge la Jamhuri ya Muungano wa Tanzania.
6. Tumeonelea ni vyema kuwajulisha wanaCUF na Watanzania kwa ujumla hatua tulizozichukua baada ya Maamuzi ya Mahakama Kuu, na ni matarajio yetu kuwa Mheshimiwa Spika na Mamlaka zake zote zitaheshimu Maamuzi ya Mahakama Kuu.
HAKI SAWA KWA WOTE
Imetolewa Leo Tarehe 27 Novemba 2017
Dar-es-Salaam.
………………………………………………….
RIZIKI SHAHARI MNGWALI
Kwa niaba ya:
1) MHE. SEVERINA SILVANUS MWIJAGE,
2) MHE. SAUMU HERI SAKALA,
3) MHE. SALMA MOHAMED MWASSA,
4) MHE. RAISA ABDALLAH MUSSA,
5) MHE. MIZA BAKARI HAJI,
6) MHE. KHADIJA SALUM ALLY AL-QASSMY, NA
7) MHE. HALIMA ALI MOHAMED

Magdalena Sakaya: Sipo Tayari Kuhama CUF na Kama Kitafutwa Basi Ntastaafu Siasa

Naibu Katibu wa CUF Tanzania Bara, Magdalena Sakaya  amedai hayuko tayari kuondoka Chama cha Wananchi CUF na kwenda katika vyama vingine hata kama chama chake kina mgogoro na iwapo na ikitokea Ofisi ya Msajili wa Vyama vya Siasa ikiamua kukifuta chama hicho yeye atastafu siasa
Akifanya mahojiano maalumu na Nipashe, Sakaya amesema kwamba Mgogoro unaoendelea ndani ya chama chao ni wa Kikatiba na unafahamika kwa msajili wa vyama na kuongeza kama ikitokea kwamba CUF inafutwa basi yeye atastaafu siasa na siyo kuhama chama.
“Kwanza naamini CUF haiwezi kufutwa. Yaani hilo halipo pamoja na changamoto ya mgogoro iliyopo. CUF ina misingi yake na mgogoro uliopo ndani yake ni wa kikatiba. Kwa hiyo, mimi nikiamua kwamba sasa sitaki kuendelea kuwapo CUF, ninaacha siasa. Ninaendelea na mambo yangu mengine, eeeh” Sakaya
“Kwanza mimi sijawahi kuwa na kadi ya CUF pekee. Nakumbuka wakati tunaripoti Shule yaSekondari ya Wasichana Kibosho (mwaka 1986) tuligawiwa kadi za kijani (CCM) wakati ule nchini kulikuwa na chama kimoja. Baadaye nikiwa na akili yangu timamu kadi niliyoichukua ni ya CUF ambayo niliichukua mwaka 1995 na ninayo mpaka leo na nitaendelea kuwa nayo.

Makamu wa Rais wa Jamuhuri ya Muungano wa Tanzania Mhe. Samia Suluhu Hassan Afungua Kikao Cha Kujadili Changamoto za Muungano Zinazohusu Sekta ya Fedha na Biashara

Makamu wa Rais wa Jamhuri ya Muungano wa Tanzania Mhe. Samia Suluhu Hassan leo ameongoza kikao kilichuhudhuriwa na Mawaziri kutoka Serikali ya Muungano na Serikali ya Mapinduzi Zanzibar na Viongozi wengine ambacho kimejadili changamoto za Muungano zinazohusu sekta ya fedha na biashara katika ukumbi wa ofisi ya Makamu wa Rais ,Luthuli jijini Dar es Salaam.
Sehemu ya Wajumbe waliohudhuria ufunguzi wa kikao cha kujadili changamoto za Muungano zinazohusu sekta ya fedha na biashara katika ukumbi wa ofisi ya Makamu wa Rais ,Luthuli jijini Dar es Salaam. ​
Sehemu ya Wajumbe waliohudhuria ufunguzi wa kikao cha kujadili changamoto za Muungano zinazohusu sekta ya fedha na biashara katika ukumbi wa ofisi ya Makamu wa Rais ,Luthuli jijini Dar es Salaam. (Picha zote na Ofisi ya Makamu wa Rais)​